ACTIVIDADES DE FIN DE CURSO

Chagamos ao remate do curso e como todos os anos temos actividades especiais:

• O xoves, por xentiliza da ANPA do colexio, tivemos a gran actuación do Mago "KIKO CARROLO" que nos fixo pasar unha mañá moi agradable e divertida. 

MOITAS GRACIAS A NOSA ANPA QUE TANTAS ACTIVIDADES NOS REGALAN!!!

• O venres, o alumnado de 6º de Infantil e 6º de Primaria foron os encargados de ofrecernos un FESTIVAL MOI ESPECIAL. 

Traballaron un montón e en moi pouquiño tempo, por iso hainos que felicitar a eles e máis ás súas mestras. 

MOITAS FELICIDADES POLO TRABALLO E 

POLO PASO 

A UNHA NOVA ETAPA ESCOLAR!!!

A continuación podemos ver un pequeno resumo das actuacións

Hoxe gradúanse as nenas e nenas de 6º Infantil

Que gran día o de hoxe!. 

Na Biblioteca todo estaba preparado para recibir ao alumnado e profesorado de Infantil, un acontecemento moi especial ía ter lugar como cada ano ao rematar o curso escolar.

Primeiro chegaron os nenos e nenas de 4º e 5º de Infantil e logo xa fixeron entrada todo o alumnado  da aula da titora Cristina Freán Lamela é dicir os nenos e nenas de 6º infantil que xa rematan esta etapa  tan importante.

Despois de saudar, visionamos un vídeo resumo da súa etapa, cando chegaron con tres anos ata o día de hoxe; tiveron palabras de agradecemento para todo o profesorado; a súa titora entregoulles a cada nena e neno un diploma; por último houbo moitos agasallos, bicos e abrazos. 

VÍDEO RESUMO DA PROMOCIÓN

VÍDEO RESUMO DA GRADUACIÓN

Actividade Extraescolar de PINTURA

Durante este curso 2018-2019 a ANPA ofertou diversas actividades extraescolares e hoxe queremos presentarvos os traballos realizados na actividade de PINTURA, impartida pola profesora OLIVA DÍAZ MEJUTO que nos conta o que traballaron durante o curso:

Neste curso estudamos a teoría da cor: círculo cromático (cores primarias, secundarios,  complementarios, cores frías e cálidas). Traballamos con distintas técnicas artísticas (lapis grafito, ceras, lapis  acuarelables, acuarelas, pasteis e acrílicos).
Demos renda solta á imaxinación desenvolvendo a creatividade e traballando con texturas elaborando un cadro abstracto con técnica mixta e partindo da mancha de cor.
Tamén nos divertimos con xogos que nos axudan a coñecer a grandes xenios da pintura así como a súa obra.
Debuxamos facendo especial  fincapé no encaixado do debuxo no papel (bosquexo).
E sobre todo DIVERTÍMONOS APRENDENDO nesta actividade na  que participaron novas  artístas con idades comprendidas entre os tres e os doce anos. Pola miña banda moi feliz cos resultados. Moitas grazas pola vosa implicación: OLIVA DÍAZ MEJUTO.

A excursión de 1º e 2º curso

O xoves, 13 de xuño, o alumnado de 1º e 2º curso, xunto coas profesoras Angélica, Cristina e Eva, foron de excursión de fin de curso ata o Monte San Roque.

Alí participaron das actividades do Parque de Aventuras  que se estreou fai uns días.

Despois disfrutaron dunha comida campestre e xogos.

Pasáronno moi ben!!!

Unha visita moi especial!!!

Hoxe, o alumnado de 4º curso, tivo unha visita moi especial: María Rolle a autora do libro "Esta non é outra historia de piratas".

Na aula de 4º curso leron este libro que lles gustou moitísimo e como María, a autora, acudiu á nosa invitación, poidemos disfrutar da súa especial presentación do libro.

Tamén poideron facerlle moitas preguntas que ela contestou con gran cariño. Ademais fixéronlle entrega dun mural coa súa interpretación de todas as persoaxes do libro e por último cantáronlle a canción que preparamos no colexio e da que ela mesma escribiu a letra.

Hoxe celebramos o Día Mundial do Medio Ambiente

DÍA MUNDIAL DO MEDIO AMBIENTE

Para conmemorar esta data tan importante PUERTO CELEIRO S.A. ofreceunos unha actividadede concienciación e aprendizaxe en relación ao uso dos plásticos que están contaminando os nosos mares.
Primeiro tivemos unha charla informativa, despois fixemos un xogo divididos en varios equipos.
Finalmente rematamos facendo reflexión sobre o uso abusivo dos plásticos.

Tamén nos regalaron unha bolsiña de tea para non ter que usar bolsas de plástico.

MOITAS GRACIAS a Puerto Celeiro por vir ao noso colexio.

Teatro para o alumnado de Infantil

Na mañá do martes, 4 de xuño, o alumnado de Infantil, xunto coas súas mestras, viaxaron ata o Teatro Pastor Díaz de Viveiro para disfrutar dunha sesión de teatro: "A ovella Engracia".

A ovella  Engracia, coa súa amiga  Branca, conta aos nenos a historia de cando foi a buscar a lúa e todos os amigos cos que se atopou polo camiño, con música en directo.

Nesta sesión de teatro participaron varios centros do Concello de Viveiro e  para o noso centro foi subvencionada pola ANPA do colexio. 

Dámoslles as gracias por esta e moitas máis iniciativas que teñen ao longo do curso.

Excursión de fin de curso á Praia de Esteiro (Barqueiro-Mañón)

O xoves, 30 de maio de 2019, o alumnado de 4º, 5º e 6º de infantil, xunto coas mestras Ana, Cristina, Mari, Iris, Esther, María e Marta viaxaron en autobús rumbo á Praia de Esteiro no Barqueiro, alí disfrutaron dunha preciosa mañá con xogos na area, tomaron a merenda de media mañá con moito apetito e volvemos moi cansos cara o colexio. No seguinte vídeo podemos ver unha pequena reportaxe da pequena excursión á praia. 

 

Viaxe fin de curso do alumnado de 5º e 6º

O alumnado de 5º e 6º curso, xunto coas profesoras Rita e Rosa e o profesor Paco, fixeron a viaxe de fin de curso os días 27, 28 e 29 de maio. Foi unha excursión moi ben planificada na que poideron visitar moitos lugares de interese e onde o pasaron estupendamente. Estiveron hospedados no Mosteiro de Poio.

• Fervenza do Ézaro, 
• Castro de Baroña, 
• Illas Cíes, 
• O Grove visita a unha batea, 
• A Toxa, Pontevedra... 
• Museo Massó e Museo da Salazón.

Excursión de fin de curso 3º e 4º Primaria

O martes, 28 de maio, o alumnado de 3º e 4º curso de primaria fixeron unha excursión a Lugo, onde visitaron:

• O Museo Provincial
• A Catedral
• A Muralla Romana
• O parque de Rosalía de Castro
• A Casa dos Mosaicos 
• A Sala de Exposicións Porta Miñá

Nesta saída poideron apreciar e ver os restos e a evolución da historia de Lugo, dende a Prehistoria ate os Romanos.

Actuación do coro do colexio na Residencia Betania

O sábado, 25 de maio, o coro do colexio formado por 45 nenas e nenos fixo unha actuación moi especial na Residencia Betania de Viveiro.

Ademais dos usuarios da Residencia tamén acudiron as familias para disfrutar desta velada musical, na que se poideron escoitar as seguintes cancións:

Con frautas: 

Himno da alegría, Santa María Estrela do día, Polka, Titanic, Pocahontas, O son do ar.

Cantadas:  

O rato de Biblioteca, Viudas de vivos - viudas de mortos, Esta non é outra historia de piratas, Banaha, Simamaka, O progreso e Vois sur ton chemin.

CELEBRAMOS O DÍA DAS LETRAS GALEGAS

 

O Día das Letras Galegas é un día de exaltación da lingua de Galicia a través da súa manifestación literaria. Comezou a celebrarse o 17 de maio do 1963, coincidindo co centenario da primeira edición de Cantares gallegos, de Rosalía de Castro. 

No colexio celebramos este día tan importante con varias actividades que puxemos en común nun pequeno festival: 

• O alumnado de 5º curso tivo unha "Conversa con Antón Fraguas"
• O alumnado de 1º curso cantou unhas estrofas do "Cancioneiro de Cotovade"
• O alumnado de 2º curso fixo un Apadriñamento Lector coa dramatización do conto "A serpe e o arco da vella"
• O alumnado de 6º curso "rapeou" a Antón Fraguas e a Viveiro.
• Finalmente, todos xuntos, cantamos o Himno Galego

No seguinte vídeo podemos ver un resumo

Charla Informativa con Vanessa Iglesias

O venres, 10 de maio, tivemos a visita de Vanessa Iglesias Sánchez, nai da alumna de 2º curso, Irea vale.

Vanessa é Técnico de Medioambiente e moi amablemente veu ao noso colexio para falarnos da importancia das árbores, das súas enfermidades e plagas, da prevención de incendios, das plantas de uso mediciñal, da flora exótica invasora, das árbores senlleiras do noso entorno...

Foi unha charla moi entretida e aprendemos moitas cousas máis sobre as árbores.

Dámoslle as gracias pola súa amabilidade para co noso colexio. 

MOITAS GRACIAS VANESSA!!!

CHARO PITA E XOÁN CURIEL NO TEATRO PASTOR DÍAZ

O alumnado de 5º e 6º curso disfrutaron dunha obra musicada no Teatro Pastor Díaz de Viveiro.

A obra trataba de dous conferenciantes que relataban a vida de Antonio Fraguas en cancións.

Contaron historias populares como por exemplo a dun rei que se aburría e para divertirse convidou á xente do pobo a que contestaran tres preguntas: a primeira, cantos cazos de terra farán falla para igualar a montaña máis grande?; a segunda, canto pesaba a lúa?; e a terceira, cantas estrelas había no firmamento?.

Pasámolo moi ben e tamén compartimos o teatro con outros nenos e nenas dos colexios de Viveiro.

RESEÑA REALIZADA POLO ALUMNO 

ANXO FERNÁNDEZ MARTÍNEZ

O ‘FalaRedes’, o programa de dinamización que a Consellería de Cultura e Turismo impulsa a través da Secretaría Xeral de Política Lingüística, fará parada en Viveiro o xoves, 9 de maio,  coa actividade ‘Canta, miña pedra, canta’ en colaboración co Concello de Viveiro.

Por fin poidemos celebrar o Día da Educación Física na Rúa

Imos participar no Día da Educación Física na Rúa 2019

Este luns, 6 de maio, por fin poidemos celebrar o Día da Educación Física na Rúa despois de estar esperando que chegase o bo tempo. 

A Profesora de Educación Física Eva preparounos unha danzas populares para poder bailar todo o colexio xunto coas familias e os usuarios do Centro de Día para Persoas con Alzheimer de Celeiro. 

Foi unha actividade moi divertida e agradable para as familias. 

Os nenos e nenas, profesoras e profesoras pasámolo estupendamente e fixemos un montón de exercicio, pois ademais de bailar primeiro tivemos que facer unha pequena camiñata ata chegar á Praza do Náufrago de Celeiro. 

Visita de Anxo Moure ao noso colexio

Na mañá do venres, e de maio, tivemos a visita especial de ANXO MOURE autor de libros como:

A xacia Luviñas, Caramulo e a carpinteira dos soños, A música das árbores, O paraugas dameaugas, Salgadiña, A estrela de Fisterra, O carballo con botas, Na casa das árbores.

 

O Consorcio Editorial Galego foi o encargado de organizar esta sesión para o alumnado de Infantil e 1º e 2º curso de Primaria.

 

XIX REBUMBIO MATEMÁTICO 2018-2019

Na mañá do venres, 26 de abril, tres alumnas do colexio: Antía, Candela e Julia, participaron na fase de zona (Lugo) do XIX REBUMBIO MATEMÁTICO que convoca a Asociación Galega do Profesorado de Educación Matemática. Estiveron acompañadas pola súa titora, a profesora Rita Lamas. Para elas foi unha experiencia moi positiva e pasáronno estupendamente.

Os resultados serán publicados o vindeiro 6 de maio.

MOITA SORTE!!!

CELEBRAMOS O DÍA DO LIBRO

Hoxe é o DÍA DO LIBRO

O 15 de novembro de 1995, a UNESCO decidiu proclamar este día como o Día internacional do libro e dos dereitos de autor. A Organización das Nacións Unidas para a Educación, a Ciencia e a Cultura quería destacar deste xeito a importancia do libro, que foi historicamente o medio de difusión máis importante do coñecemento así como unha ferramenta esencial de enriquecemento cultural. Esta xornada ten como fin promover o libro e fornecer a través del o acceso á cultura do maior número de persoas posible.

Día Mundial do Libro 2019  

No noso colexio para conmemorar esta data realizamos un montón de actividades:

• Nas aulas traballamos a figura do Xenial Miguel de Cervantes Saavedra e lemos as adaptacións da súa obra DON QUIJOTE DE LA MANCHA.

• Nas casas, coas nosas familias, preparamos os traballos para a MICRORREDE A MARIÑA, que este ano vai sobre A POESÍA QUE SENTIMOS. Todos os traballos formarán parte dunha gran exposición na que participan moitos colexios da Mariña. 
• Outras actividades que nos quedan por facer en relación ao Día do Libro son a visita da autora María Canosa e tamén de Anxo Moure. 
•  O alumnado de 2º curso recoméndanos a lectura do libro "Fernando e o oso polar" de Carmen García Iglesias.

• My favourite books, o alumnado de 6º curso estivo na aula de 6º de Infantil para contarlles cales son os seus libros favoritos.

• Un programa de Radio na RUFO SOÑOS realizado polas alumnas de 6º curso: Leire, Nayara, Ainara, Ana, Elena e Ánxela.

Experiencias do alumnado de 1º e 2º curso

 "AO ABEIRO DOS NOSOS MONTES"

O alumnado de 1º e 2º curso de Primaria visitaron o pasado luns, 1 de abril, a Mina Sonia situada no Barqueiro, concello de Mañón e Provincia de A Coruña.

Foi unha experiencia moi positiva pois aprenderon moitas cousas sorprendentes para eles.

No seguinte vídeo van facendo un resumo de todo o que alí viron.

Seguindo coas actividades programadas dentro do proxecto "Ao abeiro dos nosos montes", na mañá do mércores, 10 de abril, tiveron a posibilidade de escoitar a Marcos Besada que lles aportou moita información sobre a Flora e Fauna e dos diversos ecosistemas dos montes galegos e especialmente dos de Viveiro.

Tamén lles deu información sobre como observar os rastrexos da fauna salvaxe dos nosos montes.

Ensinoulles unha páxina con moita información sobre a Fauna e Flora de Galicia

Sobre a semana das charlas informativas

Traballando no proxecto "Ao abeiro dos nosos montes"

Esta semana recibimos a visita de Roberto Cabo, Marcos Besada e Carlos Méndez, para falarnos de temas relacionados co proxecto "Ao abeiro dos nosos montes".

A charla de Roberto Cabo (Enxeñeiro de Montes) para o alumnado de 5º e 6º curso estivo relacionada cos diferentes tipos de montes, a xestión económica... e a interpretación de planos como paso previo para á realización dunha maqueta que temos previsto realizar como proxecto final.

Marcos Besada (Enxeñeiro Agrícola) estivo co alumnado de Infantil e a súa charla estivo relacionada coas árbores. 

Foi unha clase moi participativa pois a través de preguntas o alumnado ía dando a información aprendida nas diferentes aulas. 

Descubriron que saben o nome de moitas árbores, as súas diferentes partes, aprenderon a elaborar unha ficha para ir catalogando as mesmas e ata descubriron como se pode medir unha árbore cun pequeno lapis. 

A clase rematou facendo unha visita ás diferentes árbores do colexio...
Marcos ensinounos unha páxina ARBOLAPP onde podemos aprender moitas máis cousas sobre as árbores e tamén o seguinte vídeo

Carlos Méndez (Presidente da Comunidade de Montes San Roque) estivo co alumnado de 3º e 4º curso e faloulles da xestión desta comunidade de montes, da súa historia, da extensións dos terreos que a conforman,  da xestión económica, da nova zona recreativa e das diversas especies que hai nestes montes.

Celebramos o Día da Árbore e da Poesía

Día Internacional dos Bosques

 Día Mundial da Poesía

Hoxe foi un día moi especial!   Despois do recreo xuntámonos todos os cursos para celebrar o Día da Árbore, Auga e Poesía.

Durante a semana estivemos preparando esta celebración con diferentes actividades:

• Aprendimos a canción Árbores da fraga 
• Escollimos unha árbore do noso colexio para apadriñala 
• Aprendimos un poema para recitalo no apadriñamento 
• Realizamos murais e debuxos 

Na celebración fixemos:

• Os nenos e nenas de 6º curso plantaron un ameneiro mentres os demáis cursos cantamos a canción "Árbores da fraga" 
• Apadriñamos a árbore que cada curso escolleu e lles recitamos os poemas 
• Rematamos a xornada facendo limpeza dos diferentes espazos exteriores do noso colexio: as plantas do parque infantil, o horto, a charca, o xardín zen e os patios interiores. 
• Despois de todo o inverno había moito que limpar e agora na primavera poderemos disfrutar dun entorno limpo e coidado. 

No seguinte vídeo podemos ver un pequeno resumo da celebración.

 A continuación podemos escoitar os poemas que foron recitados nos apadriñamentos.

Unha clase moi especial

Na mañá do xoves, 7 de marzo, poidemos contar coa visita de Vicente Míguez Salgueiro (exprofresor do centro) e Carlos Nuevo Cal (profesor no CEP Lois Tobío e tamén Cronista Oficial de Viveiro), ámbolos dous pertencen ao Seminario de Estudos Terra de Viveiro e son coautores de varios libros entre eles "CONSERVEIRAS". 

Un libro moi especial na BIBLIOSOÑOS

O alumnado de 6º de Primaria, na área de Plástica coa profesora Rosa, están a traballar o diseño gráfico nos diferentes envases, por iso oportunamente, Vicente e Carlos, lles deron unha charla moi interesante: 

• Unha pouca de historia sobre a importancia das conservas ao longo da historia. 

•  A chegada das conserveiras a Galicia e concretamente sobre a industria conserveira en Celeiro. 
• A historia sobre as latas de conservas, a súa decoración e simboloxía. 
• Amosáronlles diferentes follas de lata cos diferentes diseños ao longo do tempo.

Todo o alumnado participou con gran interese na pequena charla informativa e seguro que tomaron boas ideas para logo realizar os seus propios traballos de deseño gráfico na área de Plástica. 

Dende o Centro queremos agradecer a Vicente e a Carlos a súa labor na charla informativa pois todo o alumnado disfrutou da "clase especial recibida".

CELEBRAMOS O ENTROIDO 2019

NO BLOG DO ENTROIDO ATOPAMOS 
TODO O QUE FIXEMOS ESTE ENTROIDO 2019

CELEBRAMOS O DÍA DE ROSALÍA DE CASTRO

O venres, 22 de febreiro, como en anos anteriores, saímos á Praza do Chao a celebrar o Día de Rosalía de Castro (24 de febreiro), faxemos:

• Desfile con pancartas, seguindo a proposta da AELG (Asociación de Escritores en Lingua Galega)   

MANI-FESTA-ACCIÓN

• Recitado de versos de Rosalía 
• Cantamos dúas cancións dos poemas:

VIUDA DOS VIVOS VIUDA DOS MORTOS do libro Follas Novas

 PASA RÍO  do libro Cantares Gallegos

Na páxina especial de ROSALÍA DE CASTRO atoparemos moita máis información.

Visita a ASPANANE, 4º de Primaria

O xoves 7 de febreiro, o alumnado de cuarto curso visitaron as instalacións de ASPANANE e participaron nos talleres de cerámica, serigrafía e madeira. 

No obradoiro de cerámica fixeron  figuriñas, no de madeira un chaveiro e no de serigrafía unha bolsa de papel.

Foi unha visita moi agradable, os usuarios de ASPANANE e os seus monitores foron moi agarimosos e simpáticos con todos nós.

Queremos agradecerlles  toda atención prestada cara ao noso alumnado e o noso colexio, MOITAS GRACIAS!!!

Viaxe Cultural de 5º e 6º curso

O venres, 25 de xaneiro, o alumnado de 5º e 6º curso de Primaria, acompañados polos profesores Rita, Paco e Ana, fixeron unha viaxe cultural á A Coruña onde visitaron os 

Museos Científicos

• DOMUS
• AQUARIUM FINISTERRAE
• MUNCYT

TODO SOBRE O DÍA DA PAZ

No blog especial do  DÍA DA PAZ E NON VIOLENCIA atopamos todas as actividades que fixemos para celebrar este día.

OBRADOIRO DE INICIACIÓN Á RADIO

Durante a mañá do martes, 15 de xaneiro, o alumnado de 6º curso de Primaria participou no Obradoiro de Iniciación á Racio impartido por:

• Damián Alonso, actor de voz e dobraxe e de teatro. Locutor en publicidade e documentais en radio e tv.

• Xerardo Feijoo, mestre e integrante da A.C.P. Ponte...nas ondas!

O profesorado do centro tamén recibiu formación na tarde do mesmo día.

 O traballo foi moi ilusionante e quedamos comprometidos para poder realizar programas de RADIO "ao noso xeito".
Queda moito traballo por diante:

• Elixir a ubicación do estudio de radio.
• Adquirir os materiais: mesa de mezclas, amplificador, altosonantes,micros...
• Diseñar que tipo de programas de radio levaremos a cabo.
• Formar os diferentes equipos de técnicos, presentadores, guionistas, colaboradores...

No seguinte vídeo podemos ver imaxes do Obradoiro recibido e a gravación do PROGRAMA DE PROBA.

Moitas grazas a Xerardo e Damián polas súas ensinanzas e bos consellos!!!

TODO SOBRE O MES DO NADAL

No Blog do Nadal podemos ver todo o que fixemos neste mes de decembro:

• Ambientación especial
• Teatro e Dramatizacións
• Festival no Colexio
• Actuacións especiais do Coro
• Tarxetas de felicitación

BO NADAL E FELIZ ANINOVO 2019

Apadriñamento Lector

Hoxe, o alumnado de 4º curso de Primaria, presentou o Apadriñamento Lector que estiveron preparando estas semanas. Preparaon os textos, a indumentaria, o atrezzo, decorados...

A obra elixida nesta ocasión foi o abra musical 

"Nun mercado persa" 

de Albert William Ketèlby.

É unha pequena composición escrita en 1920 onde  Ketèlbey tenta describir musicalmente o ambiente dun mercado de Bagdad.

A música describe sucesivamente:

•     A chegada dos  camelleros e o paso  majestuoso das súas monturas.
•     O canto dos esmoleiros.
•     A chegada da Princesa.
•     Os malabaristas e os encantadores de serpes.
•     O paso solemne do Califa visitando o mercado.
•     De novo o canto dos esmoleiros, a melodía da princesa e a caravana dos  camelleros afastándose, simbolizando o final do mercado no crepúsculo.

Saída de 2º e 3º curso ao TEATRO

O alumnado de 2º e 3º curso, xunto coas súas titoras Angélica e Rosa, acuden hoxe ao Teatro Pastor Díaz de Viveiro para asistir á representación do espectáculo infantil "Contos do recreo" da compañía REDRUM TEATRO.

Continuando a temática de acoso escolar iniciada con "A meniña que quería navegar", a compañía presenta esta historia inspirada libremente en Conto de Nadal, de Charles Dickens. Nesta ocasión a protagonista é Alicia, unha moza que goza facéndolle a vida imposible as súas compañeiras, e que se verá inmersa nunha aventura que a cambiará para sempre. No recreo previo ao exame máis importante do curso chegará, coma se fose a protagonista do País das Marabillas, ata un máxico lugar onde habita Xacobe, o estrafalario bedel custodio da impoñente porta que coroa o lugar. Para poder saír de alí e chegar ao exame, Alicia terá que resolver os enigmas e superar os obstáculos que se esconden tras a porta dos recreos pasados, presentes e futuros. Aprenderá que a agresividade e a falta de empatía só conducen á infelicidade e a frustración, e que para poder quererse a si mesma e aos demais ten que desterrar esas condutas da súa vida.

Alumnado de 6º curso participa na charla sobre micromachismos

O luns, 26 de novembro, o alumnado de 6º curso de Primaria participou na charla sobre "micromachismos" impartida pola psicóloga do CIM de Viveiro, Ana Abad.

Na mesma realizouse unha dinámica de traballo en grupo nas que as nenas e nenos tiñan que identificar si había ou non  "micromachismo" en diferentes situacións:

• Dicir que un home axuda nas tarefas do fogar...
• Pensar que unha boneca non pode gustar ou ser un agasallo de neno...
• Que as mulleres paguen menos ou entren gratis nas discotecas...
• Empregar "Tocouche de niñera" cando un amigo queda ao coidado dalgunha persoa que o necesia...
• Vestir a unha nena de rosa...
• Dicir o guapa que está unha amiga... 
• Ofrecer axuda a unha muller cun carriño de bebé a subir ou baixar as escaleiras...

Día Internacional contra a VIOLENCIA DE XÉNERO

Na actualidade, a violencia contra as mulleres e as nenas é unha das violacións dos dereitos humanos máis estendidas, persistentes e devastadoras do mundo.

Esta conmemoración foi aprobada pola Asemblea Xeral das Nacións Unidas o 17 de decembro de 1999, a proposta da República Dominicana, e co apoio de 80 países. 

No colexio traballamos cara á igualdade entre nenos e nenas, mulleres e homes, onde descartamos todo tipo de violencia.

Durante esta semana levamos a cabo varias actividades:

• Lectura de libros para unha educación en igualdade
• Elaboración de murais, debuxos...
• Participación no acto convocado polo Concello de Viveiro a través do CIM (Centro de Información ás Mulleres) que tivo lugar o venres, 23 de novembro, no pavillón polideportivo de Viveiro. En este acto participación colectivos, colexios e institutos do Concello de Viveiro; en representación do noso colexio actuaron as nenas e nenos de primeiro curso cantando unha canción (Quiero ser feliz) e o alumnado de sexto curso dramatizou a canción de Rozalén "La puerta violeta". A continuación podemos ver o vídeo:

NOTICIA NA PRENSA

Dereitos da Infancia

O martes, 20 de novembro, celébrase o Día Internacional dos Dereitos da Infancia, por iso nas aulas as nenas e nenos farán diferentes actividades para lembrar esta data. Poderán consultar os libros e traballos que están expostos no recuncho do corredor e que nos falan dos mesmos.

Durante a semana, na Hora de Ler, o alumnado de Valores de 6º curso fará un Apadriñamento Lector aos diferentes cursos de Infantil e Primaria. Lerán "O lapis máxico de Malala", con el poderán reflexionar sobre os Dereitos dos Nenos e das Nenas.

Tamén poderemos visualizar o vídeo que preparamos sobre este mesmo libro.

Tamén podemos atopar moita máis información nesta páxina da BIBLIOSOÑOS

Celebramos o MAGOSTO

Neste precioso día de outono fixemos o xa tradicional MAGOSTO no noso colexio.

As nenas e nenos trouxeron un montón de castañas que Antonio e Lorenzo asaron con moito esmero e logo degustamos todos xuntos.

Logo de comer e beber fixemos 9 grupos  (con nenas e nenos de diferentes cursos) para xogar  ao Relevo de Castañas, Petanca, Castagolf, Castaña Cega, Mariola, Comecastañas, Pescacastañas, Castaña Dance e Laberinto.

NO SEGUINTE VÍDEO PODEMOS VER UN RESUMO DA FESTA

Saída cultural do alumnado de 3º e 4º curso de primaria

Na mañá do mércores, 14 de decembro, o alumnado de 3º e 4º curso de primaria, xunto coas súas titoras Rosa Blanco e Xulia Calvo, acompañadas do tamén profesor Vicente Míguez, acudiron á Lonxa de Celeiro onde visitaron todas as instalacións e asistiron a unha subasta de peixe. 

Tamén visitaron as instalacións do Heliporto Costa Norte onde observaron os materiais que utilizan no salvamento marítimo, o helicóptero e lles explicaron como realizan os rescates no mar.

Celebramos o Samaín

O alumnado de Infantil, 1º e 2º curso, para celebrar o Samaín, fixeron moitos traballos nas aulas e tamén en colaboración coas familias.

No seguinte vídeo podemos ver os mesmos e tamén a sesión de contos na biblioteca e a festa no ximnasio do alumnado de Infantil.

Un día con actividades diferentes

O venres, 26 de outubro, o alumnado de 6º curso, recibiu unha charla informativa sobre o ACOSO a cargo de Pablo Rodríguez González, Delegado de Participación Ciudadana.

Esta charla está enmarcada dentro do: 

Plan Director para a convivencia  e mellora da seguridade nos centros educativos e nos seus entornos.

O Plan, impulsado desde Delegación do Goberno en Galicia e a Alta Inspección de Educación, ofrece aos centros docentes a posibilidade de solicitar charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc.; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias)

Despois do recreo, o alumnado de 5º e 6º curso acudiron ao Teatro Pastor Díaz de Viveiro para ver unha representación teatral encadrada no I Certame de Teatro Feito por Persoas con Diversidade Funcional "Superarte".

Celebramos o DÍA DA BIBLIOTECA ESCOLAR

Na mañá do mércores, 24 de outubro, na Bibliosoños e divididos en varios grupos, realizamos diferentes actividades:

• Falamos da importancia da Biblioteca do noso colexio.
• Presentamos o libro "POEMAS PARA O OUTONO" coa recompilación dos poemas que fixeron as nenas e nenos nas súas casas.
• Visualizamos os vídeos conmemorativos que realizaron o alumnado de 4º, 5º e 6º curso.
• As nenas e nenos de 2º curso fixeron unha sesión de recitado de poemas de xoán Neira.
• O alumnado de 4º, 5º e 6º curso tiveron un Encontro Literario co poeta Xoán Neira.

No seguinte vídeo recóllese un pequeno resumo das diferentes sesións e traballos realizados previamente. 

Entrevista realizada polo alumnado de 5º curso a XOÁN NEIRA.

Actividades Extraescolares que se impartirán no curso 2018-2019 a través da ANPA